შეერთებული შტატები და ისრაელი, დღეს, სავარაუდოდ, გამართავენ ვირტუალურ შეხვედრას, რათა განიხილონ ჯო ბაიდენის ადმინისტრაციის ალტერნატიული წინადადებები რაფაჰში ისრაელის სამხედრო შეჭრის შესახებ, - ამის შესახებ Axios-ი ისრაელისა და აშშ-ის ოფიციალურ პირებზე დაყრდნობით იუწყება.

Axios-ის ინფორმაციით, ვირტუალური შეხვედრა ბენიამინ ნეთანიაჰუს „სახის გადარჩენის“ საშუალებაა მას შემდეგ, რაც სტრატეგიულ საქმეთა მინისტრმა რონ დერმერმა, რომელიც მოლაპარაკებებში მონაწილეობას მიიღებს, არაერთხელ გააფრთხილა პრემიერი, თუ როგორ დაძაბავს შეხვედრის წარუმატებლობა კავშირებს აშშ-ის პრეზიდენტ ჯო ბაიდენთან.

გავრცელებული ინფორმაციით, ვირტუალურ შეხვედრაში მონაწილეობას მიიღებს ისრაელის ეროვნული უსაფრთხოების მრჩეველი ცაჩი ჰანეგბიც.