ბექა ოდიშარია - ბებია და ბაბუა შვილიშვილს რომ ფულს აძლევენ, იმასაც კი აქვს მიზნობრიობა - დიდძალი თანხები გამოყოფილია ლგბტ პროპაგანდისთვის და ხელისუფლების გადატრიალებისთვის

ბებია და ბაბუა შვილიშვილს რომ ფულს აძლევენ, იმასაც კი აქვს მიზნობრიობა, ან ტკბილეულის საყიდლად, ან ნაყინის და როგორ წარმოგიდგენიათ მრავალი მილიონი იქნა თურმე, გადმორიცხული იმისათვის, რომ ნიკა გვარამიამ იგრძნოს თავი წყალში, როგორც თევზმა - დიდძალი თანხები გამოყოფილია ლგბტ პროპაგანდისთვის და ხელისუფლების გადატრიალებისთვის, - ამის შესახებ საპარლამენტო უმრავლესობის დეპუტატმა, ბექა ოდიშარიამ “მთავარი არხის“ გრანტზე საუბრისას განაცხადა.

მისივე თქმით, საოცარი ოქსიმორონია იმის თქმა, რომ გრანტი მიზნობრიობის გარეშე არის გამოყოფილი.

„მთელი ცივილიზებული სამყარო ცდილობს, რომ საკუთარი სუვერენული ინტერესები დაიცვას უცხო ქვეყნის გავლენისაგან. ჩვენი სახელმწიფო რატომღაც აღმოვჩნდით დაბალი ღობე და ჩვენს მიერ ინიცირებული ამერიკული „ფარას“ ქართული პლაგიატი მონათლეს რუსულად. ამაში დაეხმარნენ მათ, რა თქმა უნდა, დიპლომატიური კორპუსის წარმომადგენლები. ეს ძალიან საწყენია. ეს გამოიყენა მე-5 კოლონამ თავისი დღის წესრიგის გასამყარებლად და რაც მთავარია, მათთან აფილირებულო NGO-ების უზარმაზარი სახსრების დასაფარად, რასაც ახერხებენ კიდეც. თქვენ ხედავთ, რომ ნიკა გვარამიამ თავად დაადასტურა, რომ არის ლგბტ პროპაგანდის დასაფინანსებლად გამოყოფილი ძალიან დიდი თანხა, ხელისუფლების გადასატრიალებლად, დებოშის და ყოველგვარი ქაოსის მოსაწყობად. საოცარი ოქსიმორონია იმის თქმა, რომ არის გრანტი გამოყოფილი მიზნობრიობის გარეშე. ეს დაახლოებით იგივეა, რომ ვთქვათ, რომ ჩვენ მივირთმევთ ყავას მიზნობრიობის გარეშე. მე წარმოდგენაც კი მიჭირს რამდენად არიან გათავხედებულები, რომ პირდაპირ შავზე თეთრს ამბობენ და ამბობენ, რომ გრანტი შეიძლება იყოს მიზნობრიობის გარეშე. ბებია და ბაბუა შვილიშვილს რომ ფულს აძლევენ, იმასაც კი აქვს მიზნობრიობა, ან ტკბილეულის საყიდლად, ან ნაყინის და როგორ წარმოგიდგენიათ მრავალი მილიონი იქნა თურმე, გადმორიცხული იმისთვის, რომ ნიკა გვარამიამ იგრძნოს თავი წყალში, როგორც თევზმა. ეს წარმოუდგენელია”, - განაცხადა ოდიშარიამ.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა