იურიდიული დახმარების სამსახურის წარმომადგენლებმა აუტიზმის ცნობადობის ამაღლების მსოფლიო დღე  რუსთავის სარეაბილიტაციო-განმავითარებელ ცენტრში აღნიშნეს

2 აპრილს, აუტიზმის ცნობადობის ამაღლების მსოფლიო დღესთან დაკავშირებით, იურიდიული დახმარების სამსახურის წარმომადგენლები რუსთავის სარეაბილიტაციო-განმავითარებელ ცენტრ ,,კესანეს" ესტუმრნენ.

სამსახურის ინფორმაციით, ანალიტიკური დეპარტამენტის უფროსმა მაია ნოზაძემ ცენტრის ბენეფიციარების მშობლებს იურიდიული დახმარების სამსახურის სერვისების შესახებ პრეზენტაცია წარუდგინა, სადაც ყურადღება შეზღუდული შესაძლებლობების მქონე პირთა სამართლებრივი დახმარების საკითხებზე იყო გამახვილებული.

„შეხვედრაში მონაწილეობდნენ იურიდიული დახმარების სამსახურის ფსიქოლოგები და რუსთავის იურიდიული დახმარების ბიუროს თანამშრომლები -ადვოკატები და კონსულტანტი, რომლებმაც სამართლებრივი კონსულტაციები გაუწიეს როგორც ცენტრის ხელმძღვანელობას, ასევე ბენეფიციართა მშობლებს.

ცენტრის ბენეფიციართა მშობლებს აინტერესებდათ შშმ პირთა ინტერესების წარმომადგენლობის საკითხები სასამართლოსა და სხვა ადმინისტრაციულ ორგანოებში, მხარდამჭერი პირის დანიშვნის სამართლებრივი პროცედურები და ა.შ.

გადაწყდა, რომ ცენტრ "კესანესა" და იურიდიული დახმარების სამსახურს შორის ინტენსიური თანამშრომლობა გაგრძელდება“, - აღნიშნულია ინფორმაციაში.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის