სამარცხვინოა, რომ კონკრეტული კრიმინალი ევროპის სხვადასხვა ინსტიტუციაში დადის, - ამის შესახებ თბილისის მერმა, კახა კალაძემ იუსტიციის ყოფილ მინისტრ, ზურაბ ადეიშვილთან დაკავშირებით დასმულ კითხვის საპასუხოდ განაცხადა.

მისივე შეფასებით, „ევროპა ერთგვარ თავშესაფრად იქცა კრიმინალების“.

„ეს არის სამარცხვინო, რომ კონკრეტული კრიმინალი დადის ევროპის სხვადასხვა ინსტიტუციაში. ეს არის უმძიმესი თემა, რადგან ის არის ადამიანი, რომელსაც უმძიმესი დანაშაული აქვს ჩადენილი კანონის და ხალხის წინაშე. გამოდის, ევროპა კრიმინალების ერთგვარ თავშესაფრად იქცა. კიდევ ერთხელ ვიმეორებ, ჩვენი ქვეყანა და ხალხი პატივისცემას იმსახურებს“, - განაცხადა კახა კალაძემ.