სუნიტი მუსლიმები კადრის ღამეს (ლაილათუ-ლ-კადრი) ზეიმობენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

სააგენტო სუნიტ მუსლიმ თემს დღესასწაულს ულოცავს და მათ სიკეთესა და საყოველთაო მშვიდობას უსურვებს.

„მუსლიმური გადმოცემით, სწორედ ამ ღამეს გარდმოევლინა წინასწარმეტყველ მუჰამადს ღვთიური წიგნის, ყურანის პირველი აიები. ითვლება, რომ კადრის ღამე თავისი მნიშვნელობით, ათას თვეზე მეტია, ამიტომაც მუსლიმები ცდილობენ, ეს ღამე ლოცვაში გაატარონ. მუსლიმთათვის იგი ცოდვების მიტევების, მოწყალების, სულიერი სიმშვიდის ღამეა“, - ნათქვამია გავრცელებულ ინფორმაციაში.