რუსეთში, როსტოვის ოლქში მილსადენი აფეთქდა, - ამის შესახებ ინფორმაციას უკრაინის დაზვერვის მთავარი სამმართველო ავრცელებს.

უკრაინის დაზვერვის მთავარი სამმართველოს ცნობით, 6 აპრილის ღამეს, როსტოვის ოლქის ქალაქ აზოვთან ახლოს, მილსადენი აფეთქდა, რომლითაც ნავთობპროდუქტები ადგილობრივი ნავთობის ბაზიდან აზოვის საზღვაო პორტში გადაჰქონდათ.

უკრაინის დაზვერვა აღნიშნავს, რომ ობიექტს რუსეთი სამხედრო მიზნებისთვის იყენებდა.