ჩასივ-იარი ჩვენი კონტროლის ქვეშ რჩება, - ამის შესახებ უკრაინის შეიარაღებული ძალების მთავარსარდალმა, ალექსანდრ სირსკიმ განაცხადა.

„ჩასივ-იარი ჩვენი კონტროლის ქვეშ რჩება და მტრის ყველა მცდელობა, რომ დასახლებული პუნქტისკენ გარღვევა ჰქონოდათ, ჩაიშალა“, - წერს სირსკი „ტელეგრამის“ არხზე.

გუშინ, რუსულმა მედიამ ინფორმაცია გაავრცელა, რომ რუსი ჯარისკაცები დონეცკის ოლქში, ქალაქ ბახმუტის დასავლეთით მდებარე ჩასივ-იარის ერთ-ერთ გარეუბანში შევიდნენ.

რუსების მიერ გავრცელებული ინფორმაცია უკრაინულმა მხარემ უარყო.