კუნძულ კრეტაზე ტყის ხანძრის გამო, ოთხი დასახლებიდან მოსახლეობის ევაკუაცია განხორციელდა, - ამის შესახებ ინფორმაციას საბერძნეთის სახანძრო დეპარტამენტი ავრცელებს.

საბერძნეთის სახანძრო დეპარტამენტის ცნობით, ძლიერი ქარის გამო, ცეცხლი ზღვისპირა ქალაქ იერაპეტრას აღმოსავლეთით, მთიანი ტყის ფერდობებზე გავრცელდა.

ევაკუირებულ დასახლებებში დაახლოებით, 300 ადამიანი ცხოვრობს. კრეტაზე გაჩენილ ტყის ხანძარს 120 მეხანძრე ებრძოდა.