ბოჭორმის ქუჩაზე, სასროლეთში მომხდარი აფეთქების შედეგად დაშავებულთაგან სამი პირი, სიმონ ხეჩინაშვილის სახელობის საუნივერსიტეტო კლინიკაშია გადაყვანილი.

ამ ეტაპზე, უცნობია დაშავებულების ჯანმრთელობის მდგომარეობა.

ოფიციალური ინფორმაციით, თბილისში, ბოჭორმის ქუჩა N12-ში მაღაზია „ბეთლგრაუნდის“ სასროლეთში მომხდარი აფეთქების შედეგად დაიღუპა ორი და დაშავდა ოთხი მოქალაქე. ჯერჯერობით უცნობია აფეთქების მიზეზი.

ადგილზე მობილიზებულია საგანგებო სიტუაციების მართვის სამსახურის ჯგუფები და პოლიცია.