პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე, გივი მიქანაძე და ფრაქცია „ქართული ოცნების" თავმჯდომარის მოადგილე, რიმა ბერაძე სამოქალაქო სექტორის წარმომადგენლებს შეხვდნენ. ამის შესახებ ინფორმაციას პარლამენტის პრესსამსახური ავრცელებს.

მათივე ინფორმაციით, საინფორმაციო შეხვედრის მთავარ თემას - ფრაქცია „ქართული ოცნების" მიერ ინიცირებული „უცხოური გავლენის გამჭვირვალობის შესახებ" კანონპროექტი წარმოადგენდა.

„კანონპროექტზე ერთ-ერთმა მომხსენებელმა გივი მიქანაძემ დაინტერესებულ მხარეებთან კანონპროექტის ძირითადი არსი განიხილა.

კანონპროექტთან დაკავშირებით გამართულ დისკუსიაზე გივი მიქანაძემ და რიმა ბერაძემ სამოქალაქო სექტორის წარმომადგენლების შეკითხვებს უპასუხეს“, - ნათქვამია ინფორმაციაში.