უაღრესად ვაფასებთ ქართველი ხალხის მიერ 9 აპრილს გამოვლენილ სიმამაცესა და სიმტკიცეს. თქვენ აჩვენეთ გამძლეობისა და თავისუფლებისადმი ურყევი სწრაფვის ნამდვილი არსი, - ასე ეხმაურება საქართველოში ისრაელის ელჩი ჰადას მეიცადი 9 აპრილის ტრაგედიის 35-ე წლისთავს.

მისი თქმით, თავისუფლება რჩება სანუკვარ ღირებულებად, რომელიც სცილდება საზღვრებს.

„აშკარაა, რომ თავისუფლება რჩება სანუკვარ ღირებულებად, რომელიც სცილდება საზღვრებს. მისი უზრუნველყოფის სურვილი არის სახელმძღვანელო პრინციპი, რომელსაც იზიარებენ როგორც ქართველები, ასევე ისრაელელები“, - წერს ელჩი სოციალურ ქსელ X-ზე.