ამერიკელმა სამხედროებმა „ჰუსიტების“ მიერ გაშვებული რაკეტა გაანადგურეს
ამერიკელმა სამხედროებმა „ჰუსიტების“ მიერ გაშვებული რაკეტა გაანადგურეს, - ამის შესახებ ინფორმაციას აშშ-ის ცენტრალური სარდლობა ავრცელებს.
აშშ-ის ცენტრალური სარდლობის ცნობით, „ჰუსიტებმა“ ბალისტიკური რაკეტა ადენის ყურეში გაუშვეს და სავარაუდოდ, მის სამიზნეს ხომალდი MV Yorktown-ი წარმოადგენდა.
აშშ-ის ცენტრალური სარდლობის ინფორმაციით, შემთხვევის შედეგად, კომერციული, ამერიკული და კოალიციის ხომალდები არ დაზიანებულა.
