საქართველოს ინოვაციების და ტექნოლოგიების სააგენტოსთან პარტნიორობით, 25 მაისს, თბილისში, ფინანსური ტექნოლოგიური სიმპოზიუმი “Bulls” პირველად გაიმართება.

ინოვაციების და ტექნოლოგიების სააგენტოს ინფორმაციით, მესამე საიუბილეო წელთან დაკავშირებით, “კრიპტო ბაზარი” ფინანსური ტექნოლოგიებით დაინტერესებული ადამიანებისთვის ღონისძიებას აანონსებს.

„სიმპოზიუმის სტუმრები დაესწრებიან საერთაშორისო და ადგილობრივი ბაზრის პრაქტიკოსი სპიკერების გამოსვლებსა და პანელურ დისკუსიებს. ღონისძიება დაფარავს ისეთ თემებს, როგორიცაა კრიპტოვალუტა, თანამედროვე ბიზნეს მოდელები, მარკეტინგი, მენეჯმენტი და ინვესტიციები. ღონისძიება გამორჩეული იქნება ეფექტური „ნეთვორქინგის“ შესაძლებლობითა და სხვადასხვა აქტივობით, რაც ხელს შეუწყობს საქართველოში ფინტექისა და კრიპტო „ქომიუნითის“ განვითარებასა და საერთაშორისო კავშირების დამყარებას.

ღონისძიების გენერალური პარტნიორია ინდუსტრიის ერთ-ერთი გიგანტი კომპანია “Tether” და ქართული კრიპტო გადახდების კომპანია Citypay.io. ღონისძიებას უმასპინძლებს “რესპუბლიკა”.

ბილეთების გაყიდვა დაწყებულია და მათი შეძენა შესაძლებელია TKT.GE-ზე. მეტი ინფორმაციისთვის ეწვიეთ: https://openmylink.in/TKT-GE

რაც შეეხება “კრიპტო ბაზარს”, 2021 წლიდან Crypto Bazari საქართველოში ქმნის ფინანსური განათლების ყველაზე მნიშვნელოვან გარემოს, რომლითაც ხელს უწყობს ადგილობრივი ბაზრის ფინანსურ განვითარებას, შესაძლებლობას აძლევს ადგილობრივ ბიზნესს, საერთაშორისო ინვესტიციებზე მოიპოვოს წვდომა და სხვადასხვა პროფესიის ადამიანებმა გაზარდონ საკუთარი შესაძლებლობები. კომპანიის მთავარი ფოკუსი ფინანსური განათლებაა, ბაზრის ზრდასთან ერთად, კრიპტო ბაზრის როლი მნიშვნელოვნად გაიზარდა კრიპტო გადახდების, გადაცვლისა და ქვეყნის ტექნოლოგიური განვითარების მიმართულებით. კრიპტო ბაზრის ღონისძიებები აერთიანებს ადამიანებს და ბრენდებს, რომლებიც საინტერესო კვალს ტოვებენ კრიპტო ვალუტების, ბიზნესის, მარკეტინგის, ტექნოლოგიების და ინოვაციების დარგში.“- ნათქვამია ინფორმაციაში.