ნიკოლოზ სამხარაძე - ჩვენ ნატო-ს წევრობის კრიტერიუმები დაკმაყოფილებული გვაქვს და ველოდებით მათ გადაწყვეტილებას გაფართოებაზე

ესპანეთში ვიზიტის ფარგლებში პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ და დელეგაციის წევრებმა მონაწილეობა მიიღეს მადრიდის უნივერსიტეტში გამართულ კონფერენციაში, თემაზე: „ნატო-ს 75-ე წლისთავი, გაფართოება რუსეთის საფრთხის ქვეშ".

კონფერენცია ეძღვნებოდა ნატო-ს დაარსების 75-ე წლისთავს და მის სამომავლო გაფართოებას.

საგარეო ურთიერთობათა კომიტეტის თავმჯდომარემ კონფერენციაზე იმედი გამოთქვა, რომ სწორედ, საქართველო იქნება ნატო-ს შემდეგი ახალი წევრი სახელმწიფო.

„საქართველო დღეს უკვე არის მზად, რომ გახდეს ნატო-ს წევრი, რადგან საქართველოს თავდაცვის ძალებს არ აქვს ნატოსთან თავსებადობის პრობლემა.

საქართველო თავისი დემოკრატიული რეფორმებით და პროგრესით დღეს უსწრებს ნატო-ს არაერთ სახელმწიფოს და ამიტომ ვფიქრობთ, რომ ჩვენ ნატო-ს წევრობის კრიტერიუმები დაკმაყოფილებული გვაქვს და ველოდებით მათ გადაწყვეტილებას გაფართოებაზე", - განაცხადა ნიკოლოზ სამხარაძემ.

საგარეო ურთიერთობათა კომიტეტის დელეგაცია ოფიციალური ვიზიტით ესპანეთის დედაქალაქ მადრიდში იმყოფება, სადაც შეხვედრებს მართავს ესპანეთის აღმასრულებელი და საკანონმდებლო ხელისუფლების წარმომადგენლებთან.

საპარლამენტო დელეგაციის შემადგენლობაში არიან: საგარეო ურთიერთობათა კომიტეტის წევრი და გარემოს დაცვისა და ბუნებრივი რესურსების კომიტეტის თავმჯდომარე - მაია ბითაძე და ესპანეთთან მეგობრობის ჯგუფის ხელმძღვანელი, დარგობრივი ეკონომიკისა და ეკონომიკური პოლიტიკის კომიტეტის თავმჯდომარე - დავით სონღულაშვილი.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი