პრემიერ-მინისტრი ბენიამინ ნეთანიაჰუ და მისი მთავრობა ისრაელისთვის ეგზისტენციალურ საფრთხედ იქცნენ, - ამის შესახებ ისრაელის ოპოზიციის ლიდერმა, იაირ ლაპიდმა განაცხადა.

მისი თქმით, ისრაელის როგორც მეგობრებს, ისე მტრებს არსებული მთავრობის „სისუსტის სუნი სცემთ“.

„გასულ კვირას ვაშინგტონში ვიმყოფებოდი და შეხვედრები გავმართე მთელ ადმინისტრაციასთან. ისინი შოკირებული არიან ამ ხელისუფლებისგან: პასუხისმგებლობის, პროფესიონალიზმის არ არსებობით და არასწორი მენეჯმენტით“, - აღნიშნა ლაპიდმა.