პარლამენტის მიმდებარედ აქციის მონაწილეების ნაწილი კვლავ რჩება.

9 აპრილის ქუჩაზე, სადაც სპეცრაზმი და პოლიციაა განლაგებული, მოქალაქეები სკანდირებენ: “საქართველო, საქართველო”.

ისინი პოლიციელებს მოუწოდებენ, გადავიდნენ აქციის მონაწილეების მხარეს.

მათივე განცხადებით, ისინი დაშლას არ აპირებენ.

პარლამენტის შესასვლელებთან მობილიზებულია პოლიცია და სპეციალური დანიშნულების რაზმი. ასევე დგას წყლის ჭავლის მანქანა და სასწრაფო დახმარების ჯგუფი.