უნდა ვიყოთ ბევრნი იმისთვის, რომ რუსული სპეცოპერაცია ჩავარდეს, - ამის შესახებ პარლამენტთან მიმდინარე აქციაზე პარტია „ლელოს“ წევრმა, საბა ბუაძემ განაცხადა.

როგორც მან აღნიშნა, ხელისუფლება მზად არის ქვეყნის მომავალი გადააყოლონ „უცხოური გავლენის გამჭვირვალობის შესახებ“ კანონპროექტის გატანას.

„ღალატის მომსწრენი ვართ ყველანი. მზად არიან ამ ღალატს გადააყოლონ პოლიციის ღირსება და ქვეყნის მომავალი. ესენი არიან სამარცხვინოები და ყველაფერზე წამსვლელები. უნდა ვიყოთ ბევრნი იმისთვის, რომ რუსული სპეცოპერაცია ჩავარდეს“,- განაცხადა ბუაძემ.