მთელი ღამის განმავლობაში ვეძებდით დაკავებულებს. მათ არ მიეცათ ადვოკატის აყვანის უფლება, მათ არ მიეცათ სწრაფი სამედიცინო დახმარების უფლება. დღეს ჩვენ ვაპირებთ, პროკურატურაში შევიტანოთ განცხადება ყველა იმ ადამიანის წინააღმდეგ, ვინც ძალადობს ქართველ ხალხზე და თავისუფალ მომიტინგეებზე, - ამის შესახებ „ერთიანი ნაციონალური მოძრაობის“ იურისტმა ლაშა ტყეშელაძემ, 16 აპრილის აქციაზე დაკავებულებთან დაკავშირებით განაცხადა.

მისივე თქმით, ეს ყველაფერი არის უკანონობა და დანაშაული.

„გუშინ, მთელი ღამის განმავლობაში ვეძებდით დაკავებულებს. არ მოგვცეს საშუალება, რომ ეს ადამიანები გვენახა. ზოგი ამ დრომდე იმყოფება საავადმყოფოში. მათ არ მიეცათ ადვოკატის აყვანის უფლება, მათ არ მიეცათ სწრაფი სამედიცინო დახმარების უფლება. ეს ყველაფერი ერთიანად უნდა შეფასდეს - ეს ყველაფერი არის უკანონობა, ეს ყველაფერი არის დანაშაული.

დღეს ჩვენ ვაპირებთ, პროკურატურაში შევიტანოთ განცხადება ყველა იმ ადამიანის წინააღმდეგ, ვინც ძალადობს ქართველ ხალხზე და თავისუფალ მომიტინგეებზე“, - განაცხადა ლაშა ტყეშელაძემ.