პარლამენტის თავდაცვისა და უშიშროების კომიტეტის თავმჯდომარის თანამდებობას „ქართული ოცნების“ დეპუტატი ალექსანდრე ტაბატაძე დაიკავებს.

კომიტეტის თავმჯდომარედ ტაბატაძის კანდიდატურა ფრაქციამ უკვე წარადგინა, რაზეც გადაწყვეტილებას პარლამენტი კენჭისყრით მიიღებს.

პარლამენტის თავდაცვისა და უშიშროების კომიტეტის თავმჯდომარის პოსტი ვაკანტური მას შემდეგ გახდა, რაც კომიტეტის ხელმძღვანელი ირაკლი ბერაია დაზვერვის სამსახურის უფროსად დაინიშნა.

ბერაიას სადეპუტატო უფლებამოსილება უკვე შეუწყდა - მის ადგილმონაცვლედ პარლამენტში ლევან მაჭავარიანი შევა.