ევროპასთან ინტეგრაციის კომიტეტი შვედეთის პარლამენტში საქართველოსთან მეგობრობის ჯგუფის წევრებს შეხვდა

ევროპასთან ინტეგრაციის კომიტეტის თავმჯდომარე მაკა ბოჭორიშვილი და კომიტეტის წევრები შვედეთის სამეფოს პარლამენტის საქართველოსთან მეგობრობის ჯგუფის ხელმძღვანელს გუდრუნ ბრუნეგარდს და დელეგაციის წევრებს (სუზან ნორდსტრომს, ჰანნა იენარშონს და მილ შტრანდს) შეხვდნენ. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, მხარეებმა საქართველოსა და შვედეთს შორის არსებული წარმატებული ორმხრივი და მრავალმხრივი თანამშრომლობის საკითხები განიხილეს და მათი გაძლიერების შესაძლებლობებზე იმსჯელეს. განსაკუთრებული ყურადღება გამახვილდა საპარლამენტო თანამშრომლობაზე.

„შეხვედრაზე განიხილეს საქართველო-ევროკავშირის თანამშრომლობის აქტუალური საკითხები, საქართველოს ევროკავშირში გაწევრიანების დღის წესრიგი და ევროკომისიის რეკომენდაციების შესრულების პროცესი.

მხარეებმა ისაუბრეს ქვეყნის საგარეო პოლიტიკურ პრიორიტეტებზე, საქართველოს უსაფრთხოების გამოწვევებზე, ქვეყანაში არსებულ პოლიტიკურ გარემოზე, აგრეთვე თავდაცვისა და უსაფრთხოების სფეროში საქართველო-ევროკავშირის თანამშრომლობის გაძლიერებაზე.

შვედეთის საპარლამენტო დელეგაციასთან გამართულ შეხვედრას ევროპასთან ინტეგრაციის კომიტეტის თავმჯდომარის პირველი მოადგილე ლევან ქარუმიძე და კომიტეტის წევრები ვიქტორ სანიკიძე და თეონა აქუბარდია ესწრებოდნენ”, - ნათქვამია ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი