ჯაბა სამუშიამ ივანე ჯავახიშვილის დაბადებიდან 148-ე წლისთავისადმი მიძღვნილი სამეცნიერო კონფერენცია გახსნა

თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ ცნობილი ქართველი მეცნიერისა და საზოგადო მოღვაწის, თბილისის სახელმწიფო უნივერსიტეტის დამაარსებლის, აკადემიკოს ივანე ჯავახიშვილის დაბადებიდან 148-ე წლისთავისადმი მიძღვნილი სამეცნიერო კონფერენცია გახსნა.

ინფორმაციას თბილისის სახელმწიფო უნივერსიტეტი ავრცელებს.

თსუ-ის რექტორმა ჯაბა სამუშიამ კონფერენციის მონაწილეებთან უნივერსიტეტის დამაარსებლის ღვაწლზე ისაუბრა.

„ივანე ჯავახიშვილის შემოქმედება მნიშვნელოვანია ყველა ჩვენგანისთვის. ამდენი წლის შემდეგაც ნათლად ჩანს მისი წვლილი ქართული მეცნიერების, ქართული სახელმწიფოს განვითარებაში“, - განაცხადა ჯაბა სამუშიამ.

მისი თქმით, ივანე ჯავახიშვილს თითქმის ყველა მიმართულებით აქვს შექმნილი ნაშრომი, რომელთა გადამუშავება და ხელახლა გამოცემა იგეგმება უნივერსიტეტში. ასევე, ფრიდრიხ ებერტის ფონდთან თანამშრომლობით იგეგმება, გერმანიაში ივანე ჯავახიშვილის სადიპლომო ნაშრომის მოძიება და გამოქვეყნება.

სამეცნიერო კონფერენცია თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ორგანიზებით გაიმართა.

„148 წლის წინ დაიბადა ივანე ჯავახიშვილი, რომელსაც წილად ხვდა მეოცე საუკუნის ქართული კულტურის, მეცნიერების და ზოგადად, მეოცე საუკუნის საქართველოს ისტორიის უმნიშვნელოვანესი ფიგურა გამხდარიყო. განსაკუთრებით მნიშვნელოვანია ივანე ჯავახიშვილის როლი ქართული სამეცნიერო ენის ფორმირებაში, მან განავითარა ტერმინოლოგია შესაბამისი დარგების და დღეს ამ ტერმინოლოგიას იყენებს სრულიად საქართველო“, - განაცხადა თსუ-ის ჰუმანიტარულ მეცნიერებათა ფაკულტეტის დეკანმა ნანა გაფრინდაშვილმა.

თსუ-ის ცნობითვე, კონფერენციაზე თსუ-ის პროფესორ-მასწავლებლებმა წარმოადგინეს სამეცნიერო მოხსენებები სხვადასხვა მიმართულებით. ღონისძიება 2 დღე გაგრძელდება.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე