აჭარის მთავრობის თავმჯდომარე თორნიკე რიჟვაძე ტურისტულ სეზონთან მიმართებაში დადებით დინამიკას ელოდება. შესაბამისი განცხადება მან მთავრობის სახლში გამართულ სხდომაზე გააკეთა.

"ძალიან მალე აქტიური საზაფხულო სეზონი დაიწყება. უკვე გვაქვს პირველი კვარტლის მონაცემები. მიუხედავად იმისა, რომ წინა წლებში იყო არა ერთი მცდელობა, მომხდარიყო საზაფხულო და მთლიანად ტურისტული სეზონის მიმართ გარკვეული "ფეიკ" კამპანიები, დისკრედიტაციის მიზნით გორდებოდა სხვადასხვა კამპანია ჩვენი არაკეთილმოსურნეების მხრიდან, ჩვენ წელსაც შევძლებთ, რომ იმ დაგეგმილ ვიზიტორთა რაოდენობას მივაღწიოთ, რომელიც ასე მნიშვნელოვანია ტურიზმის სექტორში მომუშავე ადამიანებისთვის. ეს დადებითი დინამიკა აისახება სხვა ეკონომიკურ მაჩვენებლებზე. 64%-ით არის გაზრდილი პირდაპირი უცხოური ინვესტიციების მოცულობა აჭარაში”,- აღნიშნა მან.