უკრაინის პრეზიდენტი ვოლოდიმირ ზელენსკი კიევში დიდი ბრიტანეთის ფინანსთა მინისტრს ჯერემი ჰანტს შეხვდა. ამის შესახებ ინფორმაციას უკრაინის პრეზიდენტი ავრცელებს.

ვოლოდიმირ ზელენსკიმ ჯერემი ჰანტს გაერთიანებული სამეფოს მიერ უკრაინისთვის ნახევარი მილიარდი ფუნტის ღირებულების სამხედრო პაკეტის გამოყოფისთვის მადლობა გადაუხადა და რუსეთის წინააღმდეგ სანქციების გამკაცრებისკენ მოუწოდა.

„ჩვენ განსაკუთრებული ყურადღება სანქციების პოლიტიკას დავუთმეთ. რუსეთის წინააღმდეგ შემაკავებელი ზომების გაფართოება მნიშვნელოვანია, რათა სანქციების გვერდის ავლა შეუძლებელი გახდეს“, - წერს ვოლოდიმირ ზელენსკი X-ზე.

ჯერემი ჰანტი მოგვიანებით უკრაინის პრემიერ-მინისტრს, დენის შმიგალს შეხვდება.