„ჰამასმა“ მძევლების, მათ შორის აშშ-ის მოქალაქის, ვიდეოები გაავრცელა

“ჰამასმა” ახალი ვიდეო გაავრცელა, რომელშიც 7 ოქტომბერს გატაცებული ორი ისრაელელი მძევალი ჩანს.

ვიდეოში 64 წლის კიტ სიგელი და 47 წლის ომრი მირანი ოჯახებს მოკითხვას უგზავნიან და ასევე გათავისუფლებას ითხოვენ.

კიტ სიგელი ისრაელისა და აშშ-ის მოქალაქეა. ის მძევლად მეუღლესთან ერთად აიყვანეს, თუმცა მისი მეუღლე მოგვიანებით, ნოემბერში მიღწეული ხანმოკლე ზავის დროს გაათავისუფლეს.

„ჰამასმა“ მძევლების ვიდეოები მანამდეც არაერთხელ გაავრცელა, რაც ისრაელმა დაგმო.