ნინო ჩხობაძე - საქართველოს დამოუკიდებლობის ისტორიაში პირველად “დასმენის“ დაკანონებას ვცდილობთ

საქართველოს დამოუკიდებლობის ისტორიაში პირველად “დასმენის“ დაკანონებას ვცდილობთ - ვცდილობთ, წინა საუკუნის შეცდომები, 1937 წელი გავიმეოროთ! - ეს შეფასება ორგანიზაცია “საქართველოს მწვანეები – დედამიწის მეგობრების“ თავმჯდომარემ ნინო ჩხობაძემ “უცხოური გავლენის გამჭვირვალობის შესახებ“ კანონპროექტის იმ ნაწილთან დაკავშირებით გააკეთა, რომელიც მონიტორინგს შეეხება.

“ჩემდა სამწუხაროდ, ეს “სათანადო ინფორმაცია“ ძალიან პრობლემატური იქნება - ეს შეიძლება გახდეს პრობლემა არა მხოლოდ ორგანიზაციებისთვის, არამედ ფიზიკური პირებისთვის, ვინც ჩვენნაირი ტიპის ორგანიზაციებში ექსპერტებად იქნებიან დაქირავებული. ვისურვებდი კანონპროექტში “დასმენის“ მუხლი არ ყოფილიყო, რადგან საქართველოს ისტორიის გათვალისწინებით, ამ დასმენით ბევრი ცუდი რამ გაგვიგია. ეს ჩემს ოჯახსაც შეეხება - თუ ამ მუხლს არ ამოვიღებთ, ეს განმეორდება საქართველოში“, - განაცხადა ჩხობაძემ პარლამენტის იურიდიულ საკითხთა კომიტეტის სხდომაზე.

კანონპროექტი “უცხოური ძალის ინტერესების გამტარებელ ორგანიზაციის გამოსავლენად“ იუსტიციის სამინისტროს უფლებამოსილებას ანიჭებს ნებისმიერ დროს კვლევა ჩაატაროს და საკითხის შესწავლა-მონიტორინგი განახორციელოს. პროექტით, მონიტორინგის დაწყების საფუძველი იქნება იუსტიციის სამინისტროს შესაბამისი უფლებამოსილი პირის გადაწყვეტილება და იუსტიციის სამინისტროსთვის წარდგენილი წერილობითი განცხადება, რომელიც “უცხოური ძალის ინტერესების გამტარებელ კონკრეტულ ორგანიზაციასთან დაკავშირებულ სათანადო მინიშნებას შეიცავს“.

პარლამენტში, იურიდიულ საკითხთა კომიტეტის სხდომაზე, “უცხოური გავლენის გამჭვირვალობის შესახებ“ კანონპროექტის მეორე მოსმენით - მუხლობრივად განხილვა მიმდინარეობს.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა