დავით უსუფაშვილი - გუშინ რუსთაველზე დავდიოდი და თვალს ვერ ვუსწორებდი, რომ ამ ახალგაზრდებს ამის გადატანა უწევთ - მათ მივმართავ, არავითარ შემთხვევაში არ დავიღალოთ, არ წამოვეგოთ არანაირ პროვოკაციაზე

არავითარ შემთხვევაში არ წამოვეგოთ არანაირ პროვოკაციაზე, სპეცსამსახურებთან, პოლიციასთან დავიკავოთ ორმეტრიანი დისტანცია, - ასე მიმართა „ლელოს“ ერთ-ერთმა ლიდერმა, დავით უსუფაშვილმა „უცხოური გავლენის გამჭვირვალობის შესახებ" კანონის საწინააღმდეგო აქციაზე მყოფ მოქალაქეებს პარლამენტის ტრიბუნიდან.

დავით უსუფაშვილის განცხადებით, დღეს საქართველოს ჰყავს ხელისუფლება, რომელიც ყოველგვარ პროვოკაციაზეა წამსვლელი.

„გუშინ რუსთაველზე დავდიოდი და თვალს ვერ ვუსწორებდი, რომ ამ ახალგაზრდებს ამის გადატანა უწევთ. მათ მივმართავ, რომ არავითარ შემთხვევაში არ დავიღალოთ, არავითარ შემთხვევაში არ წამოვეგოთ არანაირ პროვოკაციაზე. სპეცსამსახურებთან, პოლიციასთან დავიკავოთ ორმეტრიანი დისტანცია და ჩვენი დგომით, ჩვენი სიმტკიცით, სიმართლით, პრინციპულობით მოვიგოთ ეს ბრძოლა. სამწუხაროდ, კვლავაც მოგვევლინა ხელისუფლება, რომელიც წამსვლელია პროვოკაციაზე იმიტომ, რომ მას სიმართლის დამალვა უნდა, თავისუფალი სამყარო რასაც გვეუბნება იმის წაშლა უნდა, სამშობლოს სამსახურში მყოფი ადამიანების სახელმწიფოს მტრებად გამოცხადება უნდა. ამიტომ, ფრთხილად, მტკიცედ, კანონის ფარგლებში და ყოველგვარ პროვოკაციას გავუმკლავდებით, გავიმარჯვებთ“, - განაცხადა დავით უსუფაშვილმა.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა