პოლონეთის პრეზიდენტის, ანჯეი დუდას განცხადებით, 2025 წლის პირველ ნახევარში, ევროკავშირის თავმჯდომარეობის დროს, პოლონეთის ერთ-ერთი პრიორიტეტი უკრაინის ევროინტეგრაცია იქნება, - ინფორმაციას უკრაინული მედია ავრცელებს.

პოლონეთის ლიდერმა აღნიშნა, რომ აუცილებელია უკრაინის, მოლდოვასა და დასავლეთ ბალკანეთის ქვეყნების ევროკავშირში გაწევრიანების პროცესის მხარდაჭერა.

„ჩვენი პრიორიტეტი მომავალ წელს, ჩვენი პრეზიდენტობის დროს იქნება, რომ ეს ქვეყნები ევროკავშირის სრულუფლებიანი წევრები რაც შეიძლება სწრაფად გახდნენ“, - აღნიშნა დუდამ.

პოლონეთის პრეზიდენტმა უკრაინის აღდგენის ვალდებულებაზეც ისაუბრა.

„გვსურს დავეხმაროთ, გვჯერა, რომ მთელი ჩვენი საზოგადოება უნდა მონაწილეობდეს უკრაინის აღდგენის პროცესში, რათა ის კვლავ იქცეს სწრაფად განვითარებად სახელმწიფოდ, ეფექტურ სახელმწიფო, რომელიც თავისი მოქალაქეებისთვის მდიდრულ ცხოვრებას უზრუნველყოფს“, - აღნიშნა დუდამ.