გაერთიანებული სამეფოს საგარეო საქმეთა მინისტრის, დევიდ კამერონის განცხადებით, უკრაინას ყოველწლიურად სამი მილიარდი ფუნტის (3.74 მილიარდი დოლარი) სამხედრო დახმარებას გამოუყოფენ მანამ, სანამ საჭირო იქნება.

ამასთან, მისი თქმით, უკრაინას უფლება აქვს, ლონდონის მიერ მოწოდებული იარაღი რუსეთის ტერიტორიაზე მდებარე ობიექტებზე დასარტყმელად გამოიყენოს და რომ ეს კიევის გადასაწყვეტია.

"უკრაინას აქვს ამის უფლება. ისევე, როგორც რუსეთი ურტყამს უკრაინის შიგნით“, - აღნიშნა კამერონმა.