იტალიის თავდაცვის მინისტრის განცხადებით, უკრაინაში ჯარისკაცების გაგზავნას გამორიცხავს.

„ჩვენი პოზიცია არ იცვლება: ჩვენ ყოველთვის ვამბობდით, რომ უკრაინას დახმარება სჭირდება და ამას ვაკეთებთ, მაგრამ ასევე, კონფლიქტში ჩვენი სამხედროების უშუალო ჩართვას გამოვრიცხავთ“, - განაცხადა იტალიის თავდაცვის მინისტრმა, გვიდო კროსეტომ.

გვიდო კროსეტომ აღნიშნა, რომ უკრაინაში დასავლეთის ჯარების გაგზავნის შესახებ საფრანგეთის პრეზიდენტის, ემანუელ მაკრონის განცხადება დაძაბულობას ზრდის.

„მე ისეთი მეგობარი ქვეყნის პრეზიდენტს, როგორიც საფრანგეთია, არ განვსჯი, მაგრამ ამ განცხადებების მიზანს ვერ ვიგებ, რომლებიც ობიექტურად დაძაბულობას ზრდის“, - განაცხადა იტალიის თავდაცვის მინისტრმა.