ისრაელის თავდაცვის ძალები ქალაქ რაფაჰის აღმოსავლეთ უბნების მცხოვრებლებს და იქ მყოფ დევნილებს ევაკუაციისკენ მოუწოდებს.

თავდაცვის ძალების განცხადებაში აღნიშნულია, რომ ევაკუაციისკენ მოწოდებას აკეთებენ „არაბულ ენაზე განცხადებების, ტექსტური შეტყობინებების, სატელეფონო ზარების და მედიის მაუწყებლობის საშუალებით“.

ისრაელის თავდაცვის მინისტრმა, იოავ გალანტმა გუშინ განაცხადა, რომ რაფაჰში სამხედრო ოპერაცია უახლოეს მომავალში დაიწყება.