ADB-ის სექტორული ჯგუფის გენერალური დირექტორი - თბილისს, ურბანული მობილობის კუთხით, საკმაოდ კარგი მდგომარეობა აქვს

აზიის განვითარების ბანკის (ADB) ყოველწლიური შეხვედრის ფარგლებში, პანელური დისკუსია - „ელექტრონული მობილობის მართვა აზიისა და წყნარი ოკეანის განვითარებად ქვეყნებში“ გაიმართა.

ამის შესახებ ინფორმაციას თბილისის მერია ავრცელებს.

მათივე ცნობით, სემინარზე აზიისა და წყნარი ოკეანის ქვეყნებში „მწვანე ტრანსპორტის“ ტენდენციებზე იმსჯელეს. მათ შორის, წარმოადგინეს ADB-ის ყოვლისმომცველი მიდგომა ელექტრომობილების ხელშეწყობის მიზნით, ყველა ძირითადი სატრანსპორტო მიმართულებით.

დისკუსიის მონაწილეებს მისასალმებელი სიტყვით აზიის განვითარების ბანკის სექტორული ჯგუფის გენერალურმა დირექტორმა რამეშ სუბრამანიამმა მიმართა და აღნიშნა, რომ სხვა განვითარებად ქვეყნებთან შედარებით, თბილისში ურბანული მობილობის თვალსაზრისით, საკმაოდ კარგი მდგომარეობა არსებობს.

„არ ვიცი, თბილისის მოსახლეობა რას გრძნობს, მაგრამ ურბანული მობილობის კუთხით, საკმაოდ კარგი მდგომარეობა აქვთ. იმ ქვეყნებში კი, რომელთაც ზოგიერთი ჩვენგანი წარმოადგენს, კარგად ვიცით, რომ ურბანული მობილობის მიმართულებით ბევრი გამოწვევა არსებობს და ძირეულ ცვლილებებს საჭიროებს. ტრანსპორტი მოქალაქეებს სამსახურებთან, საგანმანათლებლო დაწესებულებებთან აკავშირებს და ქვეყნის ეკონომიკურ შესაძლებლობებს ავითარებს, თუმცა მას საკუთარი საფასური აქვს - ტრანსპორტი გლობალური ნახშირბადის ემისიის, დაახლოებით, მეოთხედს შეადგენს, რაც საკმაოდ შემაშფოთებელი სტატისტიკაა“, - განაცხადა ADB-ის სექტორული ჯგუფის გენერალურმა დირექტორმა.

მისივე განმარტებით, პირველ რიგში, კრიტიკული საჭიროებებისა და ტრანსფორმაციისკენ მიმართული ქმედებების განსაზღვრაა საჭირო, ADB კი ნახშირბადის დონის შემცირებისთვის ინოვაციურ ქმედებებს მომავალშიც აქტიურად დაუჭერს მხარს.

„აზიის განვითარების ბანკის ელექტრონული მობილობის პროგრამა შვიდ ქვეყანაში, მათ შორის საქართველოში, ურბანული მობილობის, განსაკუთრებით კი საზოგადოებრივი ტრანსპორტის განვითარებას ემსახურება. საქართველოში „თეგეტას“ „მწვანე ავტომობილების“ პროექტი დავაფინანსეთ. ცვლილებების განსახორციელებლად, პირველ რიგში, საჭიროა დაფინანსების არსებობა, თუმცა მასთან ერთად, მნიშვნელოვანია მისი ეფექტური აღსრულების პოლიტიკა“, - განაცხადა რამეშ სუბრამანიამმა.

როგორც თბილისის მერიის მიერ გავრცელებულ ინფორმაციაშია ნათქვამი, ADB-ის 57-ე ყოველწლიური შეხვედრა, რომელშიც 68 ქვეყნის 4 000-მდე წარმომადგენელი მონაწილეობდა, თბილისში 2-5 მაისს გაიმართა. ღონისძიებების მონაწილეებს შორის იყვნენ საერთაშორისო საფინანსო ინსტიტუტები, დიპლომატები, კერძო სექტორის წარმომადგენლები და სამთავრობო დელეგაციები.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)