ისრაელმა რაფაჰში სახმელეთო შეტევაზე უარი უნდა თქვას, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, ჯოზეფ ბორელმა განაცხადა.

„რაფაჰში მშვიდობიანი მოსახლეობის ევაკუაციის შესახებ ისრაელის ბრძანება ყველაზე უარესს ნიშნავს: მეტ ომსა და შიმშილს. ეს მიუღებელია. ისრაელმა სახმელეთო შეტევაზე უარი უნდა თქვას“, - განაცხადა ჯოზეფ ბორელმა.

მისი თქმით, „ევროკავშირს, საერთაშორისო თანამეგობრობასთან ერთად, მოქმედება შეუძლია და უნდა იმოქმედოს, რათა ასეთი სცენარი თავიდან აიცილოს“.

შეგახსენებთ, დღეს ისრაელმა ქალაქ რაფაჰის ევაკუაციის ბრძანება გასცა. მოგვიანებით, რაფაჰის აღმოსავლეთ ნაწილიდან ღაზის სექტორის სამხრეთში ათასობით ადამიანის ევაკუაცია დაიწყო.