ნიკოლოზ რაჭველი - ჩვენ გვინდა ცხოვრება საქართველოში, რომელიც ჭეშმარიტად ევროპული მომავლის მქონე ქვეყანაა

ჩვენ სცენაზე ჩვენს სათქმელს ვიტყვით, რომ ჩვენ საქართველოში გვინდა ცხოვრება, რომელიც ჭეშმარიტად ევროპული მომავლის მქონე ქვეყანაა,- ამის შესახებ ეროვნული სიმფონიური ორკესტრის ხელმძღვანელმა, ნიკოლოზ რაჭველმა განაცხადა.

ნიკოლოზ რაჭველის თქმით, აღნიშნულ გზავნილს ყველა ის არტისტი უერთდება, ვინც ევროპის დღისადმი მიძღვნილ გალაკონცერტში მიიღებს მონაწილეობას.

„ამ „მესიჯითა" და გზავნილით გამოდის დღეს ყველა არტისტი სცენაზე, ეს არის ჩვენი ერთობლივი სურვილი და მადლიერება ევროკავშირის ქვეყნების მიმართ, რომლებიც ჩვენს ქვეყანას გვერდით უდგანან, გვამხნევებენ და გვეხმარებიან“, - განაცხადა ნიკოლოზ რაჭველმა.

რაც შეეხება ბოლო პერიოდში გარკვეულ მოქალაქეების მიმართ განხორციელებულ ძალადობას, ნიკოლოზ რაჭველი აცხადებს, რომ მსგავსი ქმედებები დანაშაულია და დასაგმობია.

„ჩვენ ვართ ჰუმანური პროფესიის წარმომადგენლები, ჩვენ მუსიკას ვემსახურებით. შესაბამისად, ყველანაირ ძალადობას, ასევე ყველა პროვოკაციას, რომელიც სხვადასხვა მოსაზრებების მქონე ადამიანებს ერთმანეთს აშორებს, აპირისპირებს, ცალსახად ვგმობთ, ვაპროტესტებთ. მე ვთვლი, რომ ნებისმიერ შემთხვევაში საუბარია საჭირო. ძალადობრივი მეთოდები არის დანაშაული. დარწმუნებული ვარ ყველა დამნაშავე ოდესღაც პასუხს აგებს“, - განაცხადა ნიკოლოზ რაჭველმა.

ეროვნული სიმფონიური ორკესტრი ევროპის დღისადმი მიძღვნილ გალაკონცერტს მართავს.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)