ლიეტუვაში საპრეზიდენტო არჩევნები მიმდინარეობს და დაახლოებით 2.5 მილიონი პოტენციური ამომრჩეველი წყვეტს, ვინ დაიკავებს ლიეტუვის პრეზიდენტის პოსტს მომდევნო ხუთი წლის განმავლობაში.

გამოკითხვები აჩვენებს, რომ ყველაზე დიდი მხარდაჭერა მოქმედ პრეზიდენტს, 59 წლის გიტანას ნაუსედას აქვს, რომელიც ლიეტუვას 2019 წლიდან ხელმძღვანელობს. ნაუსედას გარდა, პრეზიდენტობისთვის კიდევ შვიდი კანდიდატი იბრძვის.

იმ შემთხვევაში, თუ ხმების აბსოლუტურ უმრავლესობას ვერცერთი კანდიდატი ვერ მიიღებს, მაშინ ლიეტუვაში, 26 მაისს არჩევნების მეორე ტური გაიმართება.

პარალელურად, ლიეტუვაში ორმაგი მოქალაქეობის შემოღების შესახებ რეფერენდუმი ტარდება.