აქციის მონაწილე აცხადებს, რომ სამართალდამცველებმა ე.წ. წიწაკის სპრეი გამოიყენეს

ჭიჭინაძის ქუჩაზე, სადაც აქციის მონაწილეები არიან შეკრებილები, ერთ-ერთი მოქალაქე შეუძლოდ გახდა, მას პირველად სამედიცინო დახმარებას ამ წუთებში მოქალაქეები უწევენ.

მამაკაცის განცხადებით, მას ე.წ. წიწაკის სპრეი სამართალდამცველმა შეასხა.

ამასთან, აქციის მონაწილეების განცხადებით, შეხლა-შემოხლის დროს სამართალდამცველები ფიზიკურადაც გაუსწორდნენ.

ცოტა ხნის წინ ჭიჭინაძის ქუჩაზე სამართალდამცველებს და აქციის მონაწილეებს შორის შეხლა-შემოხლა იყო. დაპირისპირება მას შემდეგ დაიწყო, რაც პოლიცია გზის გათავისუფლებას შეეცადა. აქციის მონაწილეებმა პოლიციის მისამართით ბოთლები ისროლეს.

შეგახსენებთ, საქართველოს პარლამენტის მიმდებარე ტერიტორიაზე აქცია „გაუთენე საქართველოს“ 12 მაისის 22:00 საათიდან მიმდინარეობს.

„უცხოური გავლენის გამჭვირვალობის შესახებ” კანონპროექტის მოწინააღმდეგეებმა რუსთაველის გამზირზე გაათენეს ღამე. მათი მიზანია, დილას პარლამენტში არ შეუშვან უმრავლესობის წევრი დეპუტატები. დღეს "ქართულ ოცნებას" „უცხოური გავლენის გამჭვირვალობის“ შესახებ კანონპროექტის მესამე საკომიტეტო მოსმენა აქვს დაგეგმილი.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა