„უცხოური გავლენის გამჭვირვალობის შესახებ“ კანონპროექტის პარლამენტის იურიდიულ საკითხთა კომიტეტზე მესამე მოსმენით მიღებას აქციის მონაწილეები ხმაურით შეხვდნენ.

კერძოდ, აღნიშნულს პარლამენტთან, ჩიტაძის ქუჩაზე მყოფი მოქალაქეები, შეძახილებით შეხევდნენ. ისინი სკანდირებდნენ:„რუსებო“.

რაც შეეხება ჩიტაძეზე არსებულ ვითარებას, ამ ეტაპისთვის აღნიშნულ ქუჩაზე სიმშვიდეა, ადგილზე მობილიზებულები არიან როგორც კრიმინალური პოლიციის თანამშრომლები, ასევე სპეცდანიშნულების რაზმები.

ადგილზე რჩებიან აქციის მონაწილეები, რომლებმაც წუხელ, მთელი ღამე საკანონმდებლო ორგანოსთან გაათენეს. ისინი პერიოდულად კვლავ სკანდირებენ: „რუსებო“, „მონებო“.