იურიდიულ საკითხთა კომიტეტის სხდომის დასრულების შემდეგ, საკანონმდებლო ორგანო, იმ ჟურნალისტებსაც დაატოვებინეს, რომელთაც დღეს შენობაში გამოცხადებული უსაფრთხოების ყვითელი დონის მიუხედავად, პარლამენტში შესვლა შეეძლოთ.

როგორც პარლამენტის პრესსამსახურში აცხადებენ, საკანონმდებლო ორგანომ დღეს დაგეგმილი ყველა ღონისძიება დაასრულა და შესაბამისად, ჟურნალისტებმა შენობა უნდა დატოვონ.

ცნობისთვის, დღეს პარლამენტში იურიდიულ საკითხთა კომიტეტის სხდომა იყო ჩანიშნული, რომელზეც დეპუტატებმა „უცხოური გავლენის გამჭვირვალობის“ შესახებ კანონპროექტს მესამე მოსმენით მხარი დაუჭირეს. ამასთან, პარლამენტის მიერ გავრცელებული ინფორმაციით, 13 მაისიდან საქართველოს პარლამენტის სასახლეში უსაფრთხოების ყვითელი დონე მოქმედებს ანუ ვიზიტორებს ეზღუდებათ პარლამენტის სასახლეში შესვლა. რაც შეეხება მედიას, შენობაში დაიშვებიან ტელემაუწყებლების აკრედიტებული ჟურნალისტები, არაუმეტეს ორი ჯგუფი თითო მაუწყებლიდან.