ირაკლი კობახიძე - არ მგონია, რუსეთს აღიზიანებდეს დავით ქაცარავა - თუ ვინმე აწყობდა პროვოკაციებს, რომლებიც ეწინააღმდეგებოდა ჩვენს ინტერესებს გამყოფ ხაზთან, ეს სწორედ ქაცარავა იყო

არ მგონია, რომ რუსეთს საერთოდ აღიზიანებდეს დავით ქაცარავა, - ასე უპასუხა პრემიერ-მინისტრმა ირაკლი კობახიძემ ჟურნალისტის კითხვას, რომელიც „ანტისაოკუპაციო მოძრაობის“ წევრის, დავით ქაცარავას მიმართ განხორციელებულ ფიზიკურ ანგარიშსწორებას ეხებოდა.

ჟურნალისტის კითხვას, რომლის მიხედვითაც, დავით ქაცარავა ყველაზე მეტად რუსეთს აღიზიანებს და ხომ არ იყო მის მიმართ ფიზიკური ანგარიშსწორება სწორედ რუსეთის დაკვეთა, პრემიერმა უპასუხა, რომ „ქაცარავა რუსეთში ფილმებში მონაწილეობდა და უცებ გახდა ანტირუსი“.

„არ მგონია, რომ რუსეთს საერთოდ აღიზიანებდეს დავით ქაცარავა, თუ ვინმე აწყობდა პროვოკაციებს, რომლებიც ეწინააღმდეგებოდა ჩვენს ინტერესებს ე.წ. საზღვართან, გამყოფ ხაზთან, ეს იყო სწორედ დავით ქაცარავა. ასევე მინდა შეგახსენოთ, არ მგონია რამე მეშლებოდეს, ძალიან მალე, მას შემდეგ, რაც რუსეთმა ჩვენი ტერიტორიების ოკუპაცია განახორციელა, დავით ქაცარავა წავიდა რუსეთში, სადაც ფილმებში მონაწილეობდა, მათ შორის, „ეფესბეს“ აგენტის როლს ასრულებდა რუსეთის ფედერაციაში და უცბად გახდა ანტირუსი. ამ ყველაფრის გათვალისწინებით, არ მგონია, რომ ქაცარავა აღიზიანებდეს ვინმეს რუსეთში. რაც შეეხება ამ ფაქტს, რა თქმა უნდა, კატეგორიულად მიუღებელია ასეთი ტიპის ინციდენტები. კიდევ ერთხელ მოვუწოდებ ყველას მოთმინებისკენ, ამ შემთხვევაში, იყო შეურაცხყოფის ფაქტი, გინების ფაქტი, ეს არ არის გამართლება, ამას არ ვამბობ, მაგრამ კიდევ ერთხელ მინდა გავიმეორო, როცა შეურაცხყოფა, ძალადობაა, სამართალდამცავი სტრუქტურის წარმომადგენლებს მაქსიმალური მოთმინება მართებთ, ეს არის კიდევ ერთხელ ჩემი მოწოდება“, - განაცხადა კობახიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024