გმირთა მოედანზე სტუდენტების აქცია „არა რუსულ კანონს“ დასრულდა. ახალგაზრდებმა დღესაც გააპროტესტეს “უცხოური გავლენის გამჭვირვალობის შესახებ” კანონი. ისინი თავდაპირველად ალექსიძის ქუჩაზე შეიკრიბნენ, რის შემდეგაც მსვლელობით ტექნიკურ უნივერსიტეტთან, იქიდან კი გმირთა მოედანზე გადაინაცვლეს. სტუდენტების თქმით, აქციას 18 მაისიდან განაახლებენ.

“18 მაისიდან, დღის პირველი ნახევრიდან, ყოველდღიური სახე მიეცემა ჩვენ გამოსვლებს და აქციებს. ვიწვევთ ყველა მსურველს. ზუსტ დროს და ადგილს შეგატყობინებთ, “ფეისბუქ” ჯგუფში დაიდება განცხადება”, - განაცხადა აგრარული უნივერსიტეტის სტუდენტმა, ალექსანდრე კაცაძემ.