დავით ბაციკაძე - დღეს, დასავლურ სამყაროში ლიბერალური დღის წესრიგი ბატონობს

აჭარის უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის თავმჯდომარის, დავით ბაციკაძის განცხადებით, „ლიბერალები, ეცდებიან, მხარი დაუჭირონ საკუთარ დღის წესრიგს და დაეხმარონ თავიანთ დაფინანსებულ არასამთავრობო ორგანიზაციებს მის მართვაში, თუმცა, არჩევნების შედეგად ევროპარლამენტში ლიბერალებს კონსერვატორები ჩაანაცვლებენ“.

ამის შესახებ ბაციკაძემ აჭარის უმაღლესი საბჭოს პლენარულ სხდომაზე ქვეყანაში მიმდინარე მოვლენების შეფასებისას ისაუბრა.

„დღეს, დასავლურ სამყაროში, ლიბერალური დღის წესრიგი ბატონობს. ევროკავშირსა და ამერიკის შეერთებულ შტატებში ლიბერალური მთავრობებია, აქედან გამომდინარე, გასაგებია მათი წუხილი და ზრუნვა. გვესმის, რომ მათ მიერ დაფინანსებული არასამთავრობო ორგანიზაციების თითქმის 90 % ლიბერალური დღის წესრიგით მოქმედებს საქართველოში. მათი მხარდაჭერის მკვეთრი მაგალითი იყო გუშინ და გუშინწინ საპროტესტო აქციაზე გამოსული უცხო ქვეყნის, ამ შემთხვევაში, გერმანიის ბუნდესტაგის საგარეო საქმეთა კომიტეტის თავმჯდომარის - ბატონი როთის გამოსვლა, სადაც მან უარყოფით კონტექსტში მოიხსენია „ქართული ოცნება“ და საქართველოს მართლმადიდებლური ეკლესია.

ლიბერალები, რა თქმა უნდა, ეცდებიან, მხარი დაუჭირონ საკუთარ დღის წესრიგს და დაეხმარონ თავიანთ დაფინანსებულ არასამთავრობო ორგანიზაციებს მის მართვაში. თუმცა, არ უნდა დაგვავიწყდეს, რომ 6-9 ივნისს ევროპარლამენტის არჩევნებია და ყველა კვლევა აჩვენებს, რომ ევროპარლამენტში ლიბერალებს კონსერვატორები ჩაანაცვლებენ.

იმედი მაქვს, რომ აშშ-შიც გაიმარჯვებენ კონსერვატორები, რაც რამდენიმე წლით მაინც შეაჩერებს ლიბერალურ მმართველობას. ხოლო ევროკავშირის წევრი ქვეყნების - უნგრეთის და სლოვაკეთის მოხსენიება პრორუს ქვეყნებად იმის გამო, რომ ისინი არ აღიარებენ ლიბერალურ დღის წესრიგს, არის ისეთივე ტყუილი, როგორც ის, რომ „ქართული ოცნება“ არის პრორუსული ძალა და მართლმადიდებლობა მხოლოდ რუსული სარწმუნოება“, - აღნიშნა დავით ბაციკაძემ, რომლის განცხადებას აჭარის უმაღლესი საბჭო ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024