აჭარის უმაღლესი საბჭოს მორიგ პლენარულ სხდომაზე, „მინისტრის საათის" ფორმატში, განათლების, კულტურისა და სპორტის მინისტრს - მაია ხაჯიშვილს მოუსმინეს

აჭარის განათლების, კულტურისა და სპორტის მინისტრის მაია ხაჯიშვილის განცხადებით, უწყების ბიუჯეტი ყოველწლიურად იზრდება, რაც სხვადასხვა მიმართულებით მეტი პროგრამისა და პროექტის განხორციელების საშუალებას იძლევა.

შესაბამისი განცხადება მინისტრმა აჭარის უმაღლესი საბჭოს მორიგ პლენარულ სხდომაზე განაცხადა, სადაც „მინისტრის საათის" ფორმატში, აჭარის განათლების, კულტურისა და სპორტის მინისტრს მოუსმინეს.

მაია ხაჯიშვილის განცხადებით, სკოლების მშენებლობა-რეაბილიტაციის, მოსწავლეთა ტრანსპორტირების, წახალისების, შემოქმედებითი, სპორტული, კულტურული და სამეცნიერო უნარების განვითარება-გაძლიერების ხელშემწყობი პროგრამების გარდა, მინისტრმა ყურადღება გაამახვილა სასწავლო დაწესებულებების ინფრასტრუქტურის გაუმჯობესების, მატერიალურ-ტექნიკური ბაზების უზრუნველყოფის მიზნით განხორციელებულ პროექტებზე, სტუდენტ-ახალგაზრდობის, პედაგოგების, უმაღლეს საგანმანათლებლო და სამეცნიერო დაწესებულებების მხარდამჭერ პროგრამებზე.

მაია ხაჯიშვილმა, თავის გამოსვლაში, ისაუბრა კულტურული მემკვიდრეობის ძეგლთა დაცვის, სამუზეუმო სფეროს განვითარების საკითხებსა და იმ აქტივობებზე, რომლებიც კულტურისა და სპორტის მიმართულებით ხორციელდება.

გამოსვლის დასრულების შემდეგ, მინისტრმა უპასუხა კითხვებს. გამოსვლებისა და შეფასებების შემდგომ, წარმოდგენილი ანგარიში 2023 წელს გაწეული საქმიანობისა და მიმდინარე აქტივობების შესახებ, კანონმდებლებმა ცნობად მიიღეს.

სხდომაზე მოისმინეს და ცნობად მიიღეს აგრარულ და გარემოს დაცვის საკითხთა კომიტეტის 2023 წლის საქმიანობის ანგარიში, რომელიც ამავე კომიტეტის თავმჯდომარემ - ფრიდონ ფუტკარაძემ წარმოადგინა.

დღევანდელ სხდომას, ბოიკოტის გამო, არ ესწრებოდნენ ფრაქცია "ერთიანი ნაციონალური მოძრაობის" წევრები და დამოუკიდებელი დეპუტატი - გიორგი კირთაძე.

დღის წესრიგით გათვალისწინებული საკითხების განხილვამდე გაკეთდა განცხადებები.

ამის შესახებ ინფორმაციას აჭარის უმაღლესი საბჭო ავრცელებს.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?