ნატალია ყიფშიძე აცხადებს, რომ მასზე ადმინისტრაციული სამართალდარღვევის ოქმია შედგენილი და 20 მაისს სასამართლო პროცესია დანიშნული

აქციის მონაწილის, მსახიობ ნატალია ყიფშიძის თქმით, მასზე ადმინისტრაციული სამართალდარღვევის ოქმია შედგენილი შეკრებისა და მანიფესტაციის ნორმების დარღვევის მუხლით.

მისი თქმით, ამასთან დაკავშირებით 20 მაისს სასამართლო პროცესია ჩანიშნულია.

როგორც ნატალია ყიფშიძე სოციალურ ქსელში წერს, სასამართლოში დაბარებით ცდილობენ შეაშინონ და სახლიდან არ გამოვიდეს.

„გახსოვთ, რამდენიმე დღის წინ სიცილით რომ მოვყევი ბოტებმა ჩემი ნომერიც გაიგეს-თქო? თურმე, სასამართლოდან მირეკავდნენ. 20 მაისს პროცესია დანიშნული ჩემზე, ადმინისტრაციული სამართალდარღვევის ოქმი არის შედგენილი 174-ე პრიმა მუხლის მე-4 ნაწილით, რომელიც შეკრებისა და მანიფესტაციის ნორმების დარღვევას ითვალისწინებს.

წელს 23 წლის ვხდები და ამ წლების განმავლობაში არცერთ წარმოდგენილ სცენარში სასამართლოში არ ვმჯდარვარ. არცერთ წარმოდგენილ სცენარში არ მითვალთვალებდა ადამიანი და მანქანით არ მომყვებოდა. თვეზე მეტია აქციაზე ვართ, ვიბრძვით სამშობლოსთვის, ვიბრძვით იმ გარემოს შესაქმნელად რომლისგანაც გაქცევის სურვილი არ გვექნება. ვიბრძვით სამართლიანობისთვის. ვიბრძვით იმისთვის, რომ უსაფრთხო ქვეყანაში ვიცხოვროთ. ვიბრძვით იმისთვის, რომ ოკუპანტებისთვის ჩვენი მიწა „დაჩა” არ გახდეს.

ამ სასამართლოში დაბარებით უნდათ რომ შემეშინდეს, ჩავიკეტო სახლში და გამოსვლა არ მომინდეს. თუ გავჩერდებით და პირის ამოკერვის უფლებას მივცემთ ისედაც გავიღვიძებთ ისეთ რეალობაში, რომელშიც სახლში გამოკეტვას გვაიძულებენ. დღეს, ცდილობენ სიტყვის გამოხატვის თავისუფლების შეზღუდვას, თურმე ქვეყნის სიყვარული სამართლებრივ ჩარევას მოითხოვს. მე, მაინც სწორ მხარეს ვდგავარ, იქ, სადაც რუსულ რეჟიმს არაფერი ესაქმება და შიშის ფაქტორი, მხოლოდ დედაჩემის რისხვა დარჩება, მასზე მაღლა ვერ ახვალთ“,- წერს ნატალია ყიფშიძე სოციალურ ქსელში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი