თბილისის სახელმწიფო უნივერსიტეტის პირველი კორპუსის წინ, გაფიცულ სტუდენტთა პროტესტი გრძელდება. ისინი საქართველოს პარლამენტში მიღებულ „უცხოური გავლენის გამჭვირვალობის შესახებ“ კანონს აპროტესტებენ.

თსუ-ს ეზოში შეკრებილმა სტუდენტებმა გარკვეული მოთხოვნებიც გააჟღერეს.

ისინი, უნივერსიტეტისგან საქართველოს პრემიერ-მინისტრისთვის აკადემიური საქმიანობის შეჩერებასა და უნივერსიტეტების რექტორთა კონფერენციის განცხადებაზე თსუ-ს რექტორის, ჯაბა სამუშიას ხელმოწერის გამოთხოვას ითხოვენ.

„სტუდენტების ბოიკოტი არასასიამოვნოა განათლების სამინისტროსთვის, რექტორები და დეკანები თავიანთი ინიციატივით ითხოვენ სტუდენტებთან შეხვედრას, რაც სამინისტროსგან აქვთ დავალებული. ბოიკოტი ხაზს უსვამს იმას, რომ ახალგაზრდები არიან დამოუკიდებლები და თავისუფლები. ხელმოწერის გამოთხოვნაზე ვფიქრობთ, რომ შესაძლოა რეაგირება ჰქონდეთ. ირაკლი კობახიძისთვის აკადემიური საქმიანობის შეჩერებასთან დაკავშირებით, იმედი არ გვაქვს, ვინაიდან ის პრემიერ-მინისტრის თანამდებობას იკავებს,“-განაცხადა ერთ-ერთმა სტუდენტმა.