ბესიკ ამირანაშვილი - გილოცავთ სკოლის დამთავრებას, წინ დიდი გზა გაქვთ და თითოეულ თქვენგანს გისურვებთ წარმატებულ, ბედნიერ და ლაღ სტუდენტობას
სამცხე-ჯავახეთში სახელმწიფო რწმუნებულმა, ბესიკ ამირანაშვილმა მეთორმეტე კლასელებს სკოლის დამთავრება მიულოცა. სახელმწიფო რწმუნებულმა ახალგაზრდებს წარმატებული სტუდენტობა უსურვა.
"დღეს მეთორმეტე კლასელებისთვის ბოლო ზარი ირეკება.
ძვირფასო ახალგაზრდებო, გილოცავთ სკოლის დამთავრებას. წინ დიდი გზა გაქვთ და თითოეულ თქვენგანს გისურვებთ წარმატებულ, ბედნიერ და ლაღ სტუდენტობას. თქვენ ხართ ჩვენი ქვეყნის მომავალი და დარწმუნებული ვარ, უმნიშვნელოვანესი იქნება თქვენი როლი ჩვენი სამშობლოს განვითარებასა და წინსვლაში", - ნათქვამია ბესიკ ამირანაშვილის მისალოც ტექსტში.
განცხადებას სამცხე-ჯავახეთში სახელმწიფო რწმუნებულის ადმინისტრაცია ავრცელებს.
