ირანში გარდაცვლილი პრეზიდენტისთვის პატივის მისაგებად ათასობით ადამიანი შეიკრიბა - ებრაჰიმ რაისს ხუთშაბათს მშობლიურ ქალაქში დაკრძალავენ

ირანში, ქალაქ თავრიზში სამგლოვიარო ცერემონია მიმდინარეობს, სადაც ვერტმფრენის კატასტროფის შედეგად დაღუპული პრეზიდენტის, ებრაჰიმ რაისისა და სხვების ცხედრებს ქუჩებში მსვლელობით აცილებენ.

გარდაცვლილი პრეზიდენტისთვის პატივის მისაგებად თავრიზში ათასობით ადამიანი შეიკრიბა. თავრიზის შემდეგ ცხედრებს რელიგიურ ქალაქ ყუმში გადაასვენებენ.

მომდევნო ორი დღის განმავლობაში მსვლელობა გაიმართება ირანის დედაქალაქ თეირანსა და რაისის მშობლიურ ქალაქ მეშჰედში. თეირანში დიდი პანაშვიდი გაიმართება. მოსალოდნელია, რომ მას ბევრი ხალხი დაესწრება და ლოცვას უზენაესი ლიდერი, აიათოლა ხამენეი უხელმძღვანელებს.

ირანის პრეზიდენტს მეშჰედში ხუთშაბათს დაკრძალავენ.

მიუხედავად იმისა, რომ გარდაცვლილი პრეზიდენტისთვის პატივის მისაგებად უამრავი ადამიანი შეიკრიბა, ბევრმა ირანელმა, რომელიც რაისს მხარს არ უჭერდა და მის პოლიტიკას აპროტესტებდა, პრეზიდენტის გარდაცვალება სოციალურ მედიაში საზეიმოდ აღნიშნა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი