კახა კალაძე - „მეორე ფრონტი“ არ არის ჩემი მოგონილი - არის კონკრეტული ფაქტები, სადაც ამასთან დაკავშირებით განცხადებები კეთდებოდა

რაც შეეხება „მეორე ფრონტს“, ეს არ არის ჩემი მოგონილი - არის კონკრეტული ფაქტები, სადაც ამასთან დაკავშირებით განცხადებები კეთდებოდა, - ამის შესახებ „ქართული ოცნების“ გენერალურმა მდივანმა, კახა კალაძემ განაცხადა.

მისივე თქმით, ბალტიისპირეთის ქვეყნების საგარეო საქმეთა მინისტრების საქართველოში ჩამოსვლა, „მათი გამოსვლა ანტისამთავრობო მიტინგზე და კონკრეტული „მესიჯების“ გაჟღერება, მძიმე იყო“.

„რაც შეეხება „მეორე ფრონტს“, ეს არ არის ჩემი მოგონილი. ეს არის კონკრეტული ფაქტები, სადაც ამასთან დაკავშირებით განცხადებები კეთდებოდა. მაგალითად, უკრაინის უშიშროების საბჭოს ხელმძღვანელს გაუკეთებია არაერთი განცხადება, ასევე, ის განცხადებები, რომელსაც არასამთავრობო ორგანიზაციების წარმომადგენლები აკეთებდნენ - „გვირჩევნია ჩვენს ქვეყანაში ბომბები ცვიოდესო“ და ა.შ.

აგრეთვე, მძიმე იყო [ბალტიისპირეთის ქვეყნების] საგარეო საქმეთა მინისტრების ჩამობრძანება საქართველოში, მათი გამოსვლა ანტისამთავრობო მიტინგზე და კონკრეტული „მესიჯების“ გაჟღერება. ნებისმიერ განვითარებულ ქვეყანაში ასეთი ფაქტი რომ მომხდარიყო, ალბათ, ხვდებით, როგორი დამოკიდებულება ექნებოდათ იმ საგარეო საქმეთა მინისტრებთან დაკავშირებით. შესაბამისად, ეს მიუღებელია და ჩვენ კატეგორიულად ვგმობთ ასეთ ფაქტებს. ეს არ არის არც მეგობრობა და არც პარტნიორობა“, - განაცხადა კახა კალაძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი