ჩინეთი რუსეთს უკრაინის წინააღმდეგ ომში გამოსაყენებლად ლეტალურ დახმარებას უგზავნის, - ამის შესახებ გაერთიანებული სამეფოს თავდაცვის მინისტრმა, გრანტ შაპსმა განაცხადა.

„დღეს შემიძლია გავამჟღავნო, რომ გვაქვს მტკიცებულება, რომ რუსეთი და ჩინეთი უკრაინაში გამოსაყენებლად საბრძოლო აღჭურვილობასთან დაკავშირებით თანამშრომლობენ. აშშ-სა და ბრიტანეთის თავდაცვის დაზვერვას შეუძლია გამოავლინოს, რომ ლეტალური დახმარება ჩინეთიდან რუსეთში მიფრინავს“, - აღნიშნა შაპსმა.

შაპსს მისი განცხადების გასამყარებლად მტკიცებულება არ წარუდგენია, თუმცა აღნიშნა, რომ უკრაინაში ომის დაწყების შემდეგ რუსეთსა და ჩინეთს შორის ვაჭრობა 64%-ით გაიზარდა და რომ ისინი ერთმანეთის ზურგს უმაგრებენ.

მისი თქმით, „დროა მსოფლიო გამოფხიზლდეს“ და ნატო-მ, ალიანსის მასშტაბით, თავდაცვის ხარჯები გაზარდოს.