ვოლოდიმირ ზელენსკი - უკრაინას არ აქვს შესაძლებლობა, გაანადგუროს ტერორისტების რაკეტების გამშვებები ჩვენს საზღვრებთან ახლოს და ეს არის სისუსტე - არა ჩვენი, არამედ მსოფლიოსი

რუსი ტერორისტები სარგებლობენ იმით, რომ უკრაინა ჯერ კიდევ მოკლებულია საჰაერო თავდაცვის სისტემებით საკმარისად დაცვას და საიმედო შესაძლებლობას, გაანადგუროს ტერორისტების გამშვები დანადგარები ზუსტად იქ, სადაც მდებარეობს - ჩვენს საზღვრებთან ახლოს და ეს არის სისუსტე, - ასე გამოეხმაურა უკრაინის პრეზიდენტი, ვოლოდიმირ ზელენსკი რუსული ძალების მიერ ხარკოვზე განხორციელებულ სარაკეტო შეტევას.

მისი თქმით, ესაა არა უკრაინის, არამედ მსოფლიოს სისუსტე, რომელიც ვერ ბედავს, მოექცეს ტერორისტებს ზუსტად ისე, როგორც იმსახურებენ.

„უკიდურესად სასტიკი რუსული თავდასხმა ხარკოვისა და ლიუბოტინის წინააღმდეგ. წინასწარი მონაცემებით, ერთდროულად 15 რაკეტა გამოუშვეს. არიან დაღუპულები და დაშავებულები. რუსი ტერორისტები სარგებლობენ იმით, რომ უკრაინა ჯერ კიდევ მოკლებულია საჰაერო თავდაცვის სისტემებით საკმარისად დაცვას და საიმედო შესაძლებლობას, გაანადგუროს ტერორისტების გამშვები დანადგარები ზუსტად იქ, სადაც მდებარეობენ - ჩვენს საზღვრებთან ახლოს და ეს არის სისუსტე - არა ჩვენი, არამედ მსოფლიოსი, რომელიც უკვე მესამე წელია, ვერ წყვეტს მოექცეს ტერორისტებს ზუსტად ისე, როგორც იმსახურებენ“, - აღნიშნა ზელენსკიმ.

მისი თქმით, ტერორი უნდა დამარცხდეს ყველგან - ნებისმიერ პირობებში, ნებისმიერ კონტინენტზე.

„ჩვენი საერთო მოვალეობა - მსოფლიოში ყველასი, ვისაც აქვს შესაძლებლობა, დავიცვათ ადამიანების სიცოცხლე ტერორისგან. უკრაინა ყველაფერს აკეთებს, რაც შეუძლია. მადლობა ყველას ვინც გვეხმარება. მაგრამ მეტი მონდომებაა საჭირო.და სწორედ მსოფლიოს ლიდერებისგან“, - განაცხადა ზელესკიმ.

შეგახსენებთ, რუსებმა დღეს C-300 რაკეტებით ხარკოვზე 15 დარტყმა განახორციელეს. ბოლო მონაცემებით, დაიღუპა 7 და დაშავდა 16 ადამიანი.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი