დავით კაჭარავა - ჩვენს ქვეყანაში ქირურგიულ ჩარევებს არ მივიღებთ - სანქცირებით ვერავის შეაშინებენ, ჩვენ არ გავცვლით და არ ვივაჭრებთ ქვეყნის ინტერესებით

სანქცირებით ვერავის შეაშინებენ, ჩვენ არ გავცვლით და არ ვივაჭრებთ ქვეყნის ინტერესებით - გადაწყვეტილება მიღებული გვაქვს, ვეტოსაც დავძლევთ და წინ გადავდგამთ ნაბიჯებს, - ამის შესახებ „ხალხის ძალის" წევრმა, დავით კაჭარავამ ჟურნალისტებთან განაცხადა.

მისი თქმით, ლეგიტიმურად არჩეულ ხელისუფლებას აშანტაჟებენ და ემუქრებიან სანქციებით მხოლოდ იმის გამო, რომ გამჭვირვალეობის შესახებ კანონი მიიღეს, რაც კაჭარავას შეფასებით, “შანტაჟი და ქვეყნის შიდა საქმეებში ჩარევაა”.

“მთელ მსოფლიოში წარმოუდგენელი რაღაც ხდება - ლეგიტიმურად არჩეულ ხელისუფლებას აშანტაჟებენ და ემუქრებიან სანქციებით მხოლოდ იმის გამო, რომ გამჭვირვალეობის შესახებ კანონი მივიღეთ. ეს არის შანტაჟი და ქვეყნის შიდა საქმეებში ჩარევა, რაც მიუღებელია. ჩვენ არცერთი ნაბიჯის უკან გადადგმას და ჩვენი ქვეყნის სუვერენიტეტით ვაჭრობას არ ვაპირებთ. ჩვენი ქვეყნის ისტორია გვასწავლის, რომ ბევრმა ადამიანმა თავისი ქვეყნისთვის თავი გასწირა. ამიტომ, ჩვენ ეროვნული პოზიცია გვიჭირავს, ქვეყნის ინტერესებს ვიცავთ. მზად ვართ, ეს გზა გავაგრძელოთ. მთავარია, რომ ჩვენ მართლები ვართ და ბოლომდე ასე ვივლით. მსოფლიოს მასშტაბით მსგავსი კანონპროექტების მიღება ხდება და ჩვენს ქვეყანაში ქირურგიულ ჩარევებს არ მივიღებთ. გადაწყვეტილება მიღებული გვაქვს, ვეტოსაც დავძლევთ და წინ გადავდგამთ ნაბიჯებს. სტრატეგიული პარტნიორობა ურთიერთპატივისცემაზეა დამყარებული და არა შანტაჟზე. მზად ვართ, მეგობრულ და პარტნიორულ ურთიერთობაზე და არა შანტაჟზე. სანქცირებით ვერავის შეაშინებენ, ჩვენ არ გავცვლით და არ ვივაჭრებთ ქვეყნის ინტერესებით. თითოეული ჩვენგანი მზად ვართ, რომ საქართველოს ინტერესები დავიცვათ. თუ ისინი ამ ნაბიჯს გადადგამენ, მათი საქმეა”,- განაცხადა დავით კაჭარავამ.

რაც შეეხება ირაკლი კობახიძის განცხადებას ევროკომისარ ვარჰეის მხრიდან მუქარაზე, კაჭარავა ამბობს, რომ “ეს ყველაფერი არის თანამედროვე ფაშიზმი”.

“მოვლენების ძალიან ცუდ განვითარებას ვხედავთ, რაც მიუღებელია. მსგავსი ფაქტების ხსენება არის შანტაჟი და მუქარა. ადამიანმა პირდაპირ აღიარა თავისი სიტყვები. ხელისუფლება ქვეყნის ინტერესებს იცავს. მისი სიტყვების ციტირებაში ჩანს, რომ აღიარა. ეს ყველაფერი არის თანამედროვე ფაშიზმი - ოჯახის წევრებზე მუქარა, ბავშვების შეურაცხყოფა, ოჯახის წევრების ბიზნესების დაშანტაჟება. ასეთი მეთოდები გვახსოვს, როდის იყო”,- განაცხადა დავით კაჭარავამ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი