„თავისუფლების მარშის“ მონაწილეები მსვლელობით შინაგან საქმეთა სამინისტროსთან მივიდნენ
„თავისუფლების მარშის“ მონაწილეები მსვლელობით შინაგან საქმეთა სამინისტროსთან მივიდნენ. სამინისტროს შენობასთან მობილიზებულია პოლიცია.
მარშის მონაწილეებს გაშლილი აქვთ ბანერი წარწერით - „ემსახურე საქართველოს!“
აქციის მონაწილეების თქმით, შინაგან საქმეთა სამინისტროსთან აქციას სიმბოლური დატვირთვა აქვს. ისინი მიიჩნევენ, რომ ბოლო პერიოდში მიმდინარე აქციებზე შინაგან საქმეთა სამინისტროს წარმომადგენლებმა უკანონოდ დააკავეს და დააჯარიმეს აქციის მონაწილეები, რომლებიც „უცხოური გავლენის გამჭვირვალობის შესახებ” კანონს აპროტესტებდნენ.
პროტესტის მონაწილეები სკანდირებენ: „რუსებო, რუსებო!“
მათ ასევე მოიტანეს იმ ადამიანების ფოტოები, რომლებსაც აქციებზე, ფიზიკურად გაუსწორდნენ.
